\u015eu g\u00fcn \u00fdurdumyzda t\u00fcrkmen topragyny\u0148 berekedini alamatlandyr\u00fdan Hasyl to\u00fdy mynasybetli dabaralar ge\u00e7irildi. A\u015fgabat \u015f\u00e4herini\u0148 \u00e7\u00e4ginden ge\u00e7\u00fd\u00e4n Garagum der\u00fdasyny\u0148 kenary esasy ba\u00fdram\u00e7ylyk \u00e7\u00e4relerini\u0148 ge\u00e7iril\u00fd\u00e4n \u00fderine \u00f6wr\u00fcldi.<\/p>
<\/p>
Dabara Mejlisi\u0148 Ba\u015flygy, Ministrler Kabinetini\u0148 Ba\u015flygyny\u0148 orunbasarlary, ministrlikleri\u0148 we pudakla\u00fdyn dolandyry\u015f edaralaryny\u0148, jemgy\u00fdet\u00e7ilik guramalaryny\u0148, \u00fdurdumyzdaky diplomatik wekilhanalary\u0148 \u00fdolba\u015f\u00e7ylary hem-de wekilleri, il sylagly \u00fda\u015fulular, k\u00f6p sanly myhmanlar gatna\u015fdylar.<\/p>
<\/p>
Hasyl to\u00fduny\u0148 \u00f6\u0148\u00fcsyrasynda S.A.Ny\u00fdazow adyndaky T\u00fcrkmen oba hojalyk uniwersitetinde hormatly Prezidentimizi\u0148 tab\u015fyrygy bo\u00fdun\u00e7a \u00abGara\u015fsyz, baky Bitarap T\u00fcrkmenistan \u2014 bedew batly at-myrady\u0148 mekany\u00bb \u00fdylynda oba hojalyk pudagyny \u00f6sd\u00fcrmekde we ekinleri\u0148 bol hasylyny \u00f6sd\u00fcrip \u00fdeti\u015fdirmekde \u00fdokary netijeleri gazanan oba hojalyk i\u015fg\u00e4rlerine d\u00f6wlet sylaglaryny hem-de T\u00fcrkmenistany\u0148 Prezidentini\u0148 adyndan gymmat bahaly sowgatlary gow\u015furmak dabarasy ge\u00e7irildi.<\/p>
<\/p>
Der\u00fdany\u0148 kenarynda guralan ba\u00fdram\u00e7ylyk dabarasyna gatna\u015fyjylary milli lybasly gyzlar duz-\u00e7\u00f6rek, pi\u015fme, miwedir ir-i\u00fdmi\u015fler bilen bezelen to\u00fd sa\u00e7akly gar\u015fyladylar. \u00ddurdumyzy\u0148 medeni\u00fdet we sungat ussatlaryny\u0148 a\u00fddym-sazly \u00e7yky\u015flary dabara a\u00fdratyn \u00f6w\u00fc\u015fgin \u00e7a\u00fddy. So\u0148ra dabara gatna\u015fyjylar Arkadag we A\u015fgabat \u015f\u00e4herlerini\u0148 \u015f\u00e4her gurlu\u015fygynda \u00fdetilen sepgitleri, wela\u00fdatlar hem-de oba hojalyk toplumyna degi\u015fli ministrlikler, pudakla\u00fdyn dolandyry\u015f edaralary tarapyndan \u00fdurdumyzy\u0148 oba hojalygynda gazanylan \u00fcst\u00fcnlikleri g\u00f6rkez\u00fd\u00e4n oba hojalyk ekinlerini\u0148 tohumlaryny\u0148, g\u00f6k-bakja, miwe we be\u00fdleki oba hojalyk \u00f6n\u00fcmlerini\u0148, olary ga\u00fdtadan i\u015flemekden alnan ta\u00fd\u00fdar \u00f6n\u00fcmleri\u0148 sergisini synladylar.<\/p>
<\/p>
\u00ddurdumyzda azyk bol\u00e7ulygyny\u0148 d\u00f6redilmegi, milli ykdysady\u00fdetimizi\u0148 eksport m\u00fcmkin\u00e7iliklerini\u0148 gi\u0148eldilmegi g\u00f6n\u00fcden-g\u00f6ni oba hojalyk i\u015fg\u00e4rlerini\u0148 gazan\u00fdan \u00fcst\u00fcnlikleri bilen baglany\u015fyklydyr. \u015eunda oba hojalyk pudagyny\u0148 netijeliligini\u0148 \u00fdokarlandyrylmagyna, d\u00fcrli g\u00f6rn\u00fc\u015fli \u00f6n\u00fcmleri\u0148 \u00f6nd\u00fcril\u00fd\u00e4n m\u00f6\u00e7berini\u0148 artdyrylmagyna g\u00f6n\u00fckdirilen gi\u0148 gerimli \u00f6zgertmeler \u00fcst\u00fcnlikli durmu\u015fa ge\u00e7iril\u00fd\u00e4r. \u00d6\u0148de dur\u00fdan wezipeleri o\u0148yn \u00e7\u00f6zmek maksady bilen, t\u00e4ze ykdysady gatna\u015fyklary\u0148 kemala getirilmegi, \u00fder-suw seri\u015fdelerinden rejeli pe\u00fddalanmak, \u00f6\u0148debaryjy agrotehnologi\u00fdalary orna\u015fdyrmak, pudakla\u00fdyn ylmy, se\u00e7gi\u00e7iligi hem-de tohum\u00e7ylyk i\u015fini \u00f6sd\u00fcrmek babatda toplumla\u00fdyn \u00e7\u00e4reler alnyp baryl\u00fdar. D\u00f6wlet Ba\u015ftutanymyz topragy\u0148 hasyllylygyny \u00fdokarlandyrmak hem-de oba hojalyk ekinlerinden alyn\u00fdan hasyly\u0148 m\u00f6\u00e7berini artdyrmak, tohum\u00e7ylyk i\u015fini k\u00e4mille\u015fdirmek, pudaga sanly ulgamy orna\u015fdyrmak meselelerini m\u00f6h\u00fcm ugurlary\u0148 hatarynda kesgitledi.<\/p>
<\/p>
…Sergide \u00fdurdumyzy\u0148 wela\u00fdatlary hem ba\u00fdram\u00e7ylyk diwarlyklaryny \u00fda\u00fdba\u0148landyryp, olary\u0148 sergi b\u00f6l\u00fcmlerinde \u00abak altyny\u0148\u00bb t\u00e4ze hasylyndan doly horjunlar, bugda\u00fd s\u00fcnb\u00fclleri, tamdyrda t\u00e4ze bi\u015firilen \u00e7\u00f6rekler we be\u00fdleki milli tagamlar g\u00f6rkezil\u00fd\u00e4r. Bu \u00fderde h\u00e4zirki d\u00f6w\u00fcrde s\u00f6wda merkezlerinde, bazarlarda ilatymyza h\u00f6d\u00fcrlenil\u00fd\u00e4n ter miweleri\u0148, g\u00f6k-bakja \u00f6n\u00fcmlerini\u0148, ir-i\u00fdmi\u015fleri\u0148 d\u00fcrli g\u00f6rn\u00fc\u015flerine orun berlipdir.<\/p>
<\/p>
T\u00e4ze taryhy d\u00f6wr\u00fcmizi\u0148 \u00e4hli \u00fdyllarynda bol\u015fy \u00fdaly, \u00abGara\u015fsyz, baky Bitarap T\u00fcrkmenistan \u2014 bedew batly at-myrady\u0148 mekany\u00bb \u00fdylynda hem oba hojalyk pudagynda uly z\u00e4hmet \u00fcst\u00fcnlikleri gazanyldy. T\u00fcrkmen galla\u00e7ylary azyklyk bugda\u00fd hasylyny \u00fdygnamak bo\u00fdun\u00e7a d\u00f6wlet tab\u015fyrygyny \u00fcst\u00fcnlikli berja\u00fd edip, 1 million 400 m\u00fc\u0148 tonnadan gowrak bugda\u00fdy Watan harmanyna tab\u015fyrdylar. Pile\u00e7i k\u00e4rende\u00e7iler 2 m\u00fc\u0148 100 tonnadan gowrak pile \u00fdeti\u015fdirip, \u015fertnamala\u00fdyn bor\u00e7namalaryny \u00fcst\u00fcnlikli berja\u00fd etdiler. G\u00f6k, miwe we bakja \u00f6n\u00fcmlerini\u0148, pagtany\u0148 bol hasyly \u00fdygnalyp alyndy. \u015eu \u00fdyly\u0148 on a\u00fdynda \u00fdurdumyzda alnyp barlan i\u015fleri\u0148 jemlerine bagy\u015flanyp, sanly ulgam arkaly ge\u00e7irilen Ministrler Kabinetini\u0148 mejlisinde bellenili\u015fi \u00fdaly, hasabat d\u00f6wr\u00fcnde oba hojalyk pudagy bo\u00fdun\u00e7a \u00f6n\u00fcm\u00e7iligi\u0148 \u00f6s\u00fc\u015f depgini, ge\u00e7en \u00fdyly\u0148 degi\u015fli d\u00f6wri bilen de\u0148e\u015fdirilende, 118,2 g\u00f6terime barabar boldy.<\/p>
<\/p>
Oba hojalyk ekinlerini\u0148 \u00fdokary hilli, kesellere we zy\u00fdanke\u015flere durnukly, \u00fderli toprak-howa \u015fertlerine u\u00fdgunla\u015fan sortlaryny pe\u00fddalanmak bol hasyly\u0148 bin\u00fdadyny d\u00fcz\u00fd\u00e4r. \u015eunu\u0148 bilen baglylykda, oba hojalyk toplumyny ulgamla\u00fdyn dolandyrmak, onu\u0148 i\u015fini k\u00e4mille\u015fdirmek maksady bilen, d\u00e4ne\u00e7ilik, ekeran\u00e7ylyk, pagta\u00e7ylyk ylmy-barlag institutlary d\u00f6redildi. Da\u00fdhan birle\u015fiklerini\u0148 maddy-enjamla\u00fdyn bin\u00fdadyny\u0148 pugtalandyrylmagyna a\u00fdratyn \u00fcns beril\u00fd\u00e4r. Da\u00fdhan birle\u015fiklerine we hojalyklaryna, oba hojalyk pa\u00fddarlar jemgy\u00fdetlerine, k\u00e4rende\u00e7ilere \u00fde\u0148illikli \u015fertlerde bank karzlary beril\u00fd\u00e4r. Bu i\u015fler pudakda \u00f6zgertmeleri \u00fcst\u00fcnlikli durmu\u015fa ge\u00e7irm\u00e4ge, ony hil ta\u00fddan t\u00e4ze derejelere \u00e7ykarmaga, oba hojalyk ekinlerini\u0148 hasyllylygyny \u00fdokarlandyrmaga m\u00fcmkin\u00e7ilik d\u00f6red\u00fd\u00e4r.<\/p>
<\/p>
Oba milli maksatnamasyna la\u00fdyklykda, sebitlerde t\u00e4ze obalardyr \u015f\u00e4her\u00e7eler, h\u00e4zirki zaman maldar\u00e7ylyk toplumlary, elewatorlar, azyk \u00f6n\u00fcmlerini \u00f6nd\u00fcrmek bo\u00fdun\u00e7a k\u00e4rhanalar, sowadyjy, suw arassala\u00fdjy desgalar guruldy. \u015eu \u00fdyl Mary wela\u00fdatyny\u0148 \u00ddol\u00f6ten etrabyny\u0148 Ymambaba ge\u0148e\u015fliginde 4 m\u00fc\u0148 500 sany \u00fda\u015fa\u00fdy\u015f ja\u00fdly d\u00f6wrebap \u015f\u00e4her\u00e7\u00e4ni\u0148 gurlu\u015fygyna giri\u015fildi. \u00ddakynda bolsa d\u00f6wlet Ba\u015ftutanymyz Da\u015foguz wela\u00fdatyna i\u015f saparyny\u0148 \u00e7\u00e4klerinde A\u015fgabat \u2014 Da\u015foguz awtomobil \u00fdoluny\u0148, Gara\u015fsyzlyk etrabynda \u00fdylda 60 m\u00fc\u0148 tonna senagat pagta \u00e7igidini ga\u00fdtadan i\u015fle\u00fd\u00e4n \u00f6s\u00fcmlik \u00fdag k\u00e4rhanasyny\u0148, azotly d\u00f6k\u00fcnleri \u00f6nd\u00fcr\u00fd\u00e4n t\u00e4ze toplumy\u0148 gurlu\u015fyklaryna ak pata berdi. Bu bolsa \u00fdurdumyzy\u0148 sebitlerini toplumla\u00fdyn \u00f6zgertmek bo\u00fdun\u00e7a i\u015fleri\u0148 \u00fcst\u00fcnlikli \u00fderine \u00fdetiril\u00fd\u00e4ndigini\u0148 g\u00f6rkezijisidir.<\/p>
<\/p>
Hormatly Prezidentimizi\u0148 durmu\u015f-ykdysady strategi\u00fdasynda obasenagat toplumyny okgunly \u00f6sd\u00fcrmegi\u0148, da\u015fky gur\u015fawy goramagy\u0148, ilaty\u0148 \u00fda\u015fa\u00fdy\u015f-durmu\u015f \u015fertlerini gowulandyrmagy\u0148 m\u00f6h\u00fcm \u015ferti h\u00f6km\u00fcnde suw seri\u015fdelerini\u0148 rejeli pe\u00fddalanylmagyna a\u00fdratyn \u00e4hmi\u00fdet beril\u00fd\u00e4r. Suw hojalygy toplumynda \u00fda\u00fdba\u0148landyrylan gi\u0148 gerimli \u00f6zgertmeler ylmy i\u015fl\u00e4p ta\u00fd\u00fdarlamalary\u0148, innowasion tehnologi\u00fdalary\u0148 \u00fcst\u00fcnlikli durmu\u015fa orna\u015fdyryl\u00fdandygyny\u0148 a\u00fddy\u0148 mysalydyr. \u015eu \u00fdyl A\u015fgabat \u015f\u00e4herinde we Ahal wela\u00fdatyny\u0148 G\u00f6kdepe etrabynda suw hojalygyna degi\u015fli t\u00e4ze, d\u00f6wrebap desgalary\u0148 a\u00e7ylyp ulanmaga berilmegi hem muny doly tassykla\u00fdar.<\/p>
<\/p>
…Dabarada a\u00fddym-saz toparlaryny\u0148, milli g\u00f6re\u015f bo\u00fdun\u00e7a p\u00e4lwanlary\u0148 \u00e7yky\u015flary-da \u00fdatdan \u00e7ykmajak pursatlara ba\u00fd boldy. Gadymy t\u00fcrkmen d\u00e4bine g\u00f6r\u00e4, ba\u015f ba\u00fdrak \u00fdary\u015fy\u0148 \u00fde\u0148ijisine gow\u015furyl\u00fdar. Munu\u0148 \u00f6zi halkymyzy\u0148 asyrlar a\u015fyp gel\u00fd\u00e4n milli d\u00e4plerini\u0148 mynasyp dowam etdiril\u00fd\u00e4ndigini\u0148 be\u00fdanydyr. Ba\u00fdram\u00e7ylyga gatna\u015fyjylar milli bu\u00fdsanjymyz bolan ahalteke bedewlerini, t\u00fcrkmen alaba\u00fdlaryny, g\u00f6zel tebigatymyzy wasp ed\u00fd\u00e4n amaly-ha\u015fam sungatyny\u0148 eserlerini gyzyklanma bilen synladylar.<\/p>
<\/p>
M\u00e4lim bol\u015fy \u00fdaly, \u201cGara\u015fsyz, baky Bitarap T\u00fcrkmenistan \u2014 bedew batly at-myrady\u0148 mekany\u201d \u00fdyly di\u0148e bir mukaddes Gara\u015fsyzlygymyzy\u0148 \u015fanly senesini \u015f\u00f6hratlandyrmak bilen \u00e7\u00e4klenm\u00e4n, milli medeni\u00fdetimizi we sungatymyzy, taryhymyzy d\u00fcn\u00fd\u00e4de wagyz etmek \u00fc\u00e7in i\u015flere hem gi\u0148 \u00fdol a\u00e7dy. \u015eunu\u0148 bilen baglylykda, \u00fdurdumyzda hem-de da\u015fary d\u00f6wletlerde \u00fdyly\u0148 \u015fygaryna bagy\u015flanan \u00e7\u00e4releri\u0148 guralmagyna uly \u00e4hmi\u00fdet berildi. \u201cT\u00fcrkmenistanda ahalteke bedew atlaryny\u0148 d\u00f6wlet goragy hakynda\u201d T\u00fcrkmenistany\u0148 Kanunyny\u0148 kabul edilmegi, ahalteke atlaryny\u0148 arasynda atly sport we g\u00f6zellik b\u00e4sle\u015figini\u0148 d\u00fcn\u00fd\u00e4 \u00e7empionatyny ge\u00e7irmek bo\u00fdun\u00e7a kabul edilen \u00e7\u00f6zg\u00fct, Gahryman Arkadagymyzy\u0148 we Arkadagly Gahryman Serdarymyzy\u0148 gatna\u015fmagynda \u00fdokary ruhubelentlik derejesinde ge\u00e7irilen T\u00fcrkmenistany\u0148 Prezidentini\u0148 Ahalteke at\u00e7ylyk toplumyny\u0148 a\u00e7yly\u015f dabarasy \u015fanly \u00fdyly\u0148 m\u00f6h\u00fcm wakalaryna \u00f6wr\u00fcldi. H\u00e4zirki d\u00f6w\u00fcrde t\u00fcrkmen suratke\u015fleri, haly\u00e7ylary, he\u00fdkeltara\u015flary eserlerinde bedew ke\u015fbini \u00fcst\u00fcnligi\u0148, g\u00f6zelligi\u0148 we maksada okgunlylygy\u0148 ny\u015fany h\u00f6km\u00fcnde t\u00e4sirli janlandyr\u00fdarlar. Aja\u00fdyp ahalteke bedewlerini\u0148 \u015fekili janlandyrylan surat eserleri, halylar d\u00fcn\u00fd\u00e4 belli muze\u00fdleri\u0148 esasy gymmatlyklarydyr. \u00ddurdumyzda d\u00fcrli b\u00e4sle\u015fikler guralyp, bedew atlaryny\u0148 g\u00f6zelligini wasp ed\u00fd\u00e4n d\u00f6redijilik i\u015fg\u00e4rlerini\u0148 z\u00e4hmetine \u00fdokary baha beril\u00fd\u00e4r.<\/p>
<\/p>
Di\u00fdarymyzy\u0148 pagta\u00e7ylaryny\u0148 \u00fcst\u00fcnliklerine bagy\u015flanan sergi b\u00f6l\u00fcminde gowa\u00e7any\u0148 ak gar \u00fdaly pagta hanalary, \u00e7ig maly ga\u00fdtadan i\u015flemek arkaly alyn\u00fdan \u00f6n\u00fcmleri\u0148 g\u00f6rn\u00fc\u015fleri bar. T\u00fcrkmen pagtasyny\u0148 di\u0148e bir milli dokma senagaty \u00fc\u00e7in esasy \u00e7ig mal bolman, e\u00fdsem, da\u015fary \u00fdurtlara eksport edil\u00fd\u00e4n gymmatly \u00f6n\u00fcmdigi-de bell\u00e4rliklidir. Bu \u00fderde orta s\u00fc\u00fd\u00fcmli hem-de a\u00fdratyn gymmatly in\u00e7e s\u00fc\u00fd\u00fcmli pagtany\u0148 i\u0148 gowy g\u00f6rn\u00fc\u015flerini\u0148 nusgalary bilen tany\u015fmak m\u00fcmkin. Olary\u0148 her biri t\u00fcrkmen se\u00e7gi\u00e7i alymlaryny\u0148 k\u00f6p\u00fdyllyk z\u00e4hmetini\u0148 netijesidir. Sergide d\u00e4ne\u00e7ilik pudagyna degi\u015fli sergi diwarlygyna a\u00fdratyn orun berlipdir. D\u00e4ne\u00e7ilik ylmynda ylmy-barlag i\u015flerini\u0148 i\u015fje\u0148le\u015fmegi bilen, bugda\u00fdy\u0148 \u00abSerdar\u00bb, \u00abArkadag\u00bb we \u00abPyragy\u00bb atly t\u00e4ze sortlary d\u00f6redildi. Hormatly Prezidentimizi\u0148 ba\u015ftutanlygynda \u00fcst\u00fcnlikli durmu\u015fa ge\u00e7iril\u00fd\u00e4n oba hojalyk \u00f6zgertmelerini\u0148, \u00fdurdumyzy\u0148 ekeran\u00e7ylaryny\u0148 ga\u00fdratly z\u00e4hmeti netijesinde Watanymyzy\u0148 galla harmanlary be\u00fdgelip, halkymyz azyklyk un we \u00e7\u00f6rek \u00f6n\u00fcmleri bilen doly \u00fcpj\u00fcn edil\u00fd\u00e4r.<\/p>
<\/p>
D\u00fcrli g\u00f6rn\u00fc\u015fli g\u00fcller ekilen me\u00fddan\u00e7alar aja\u00fdyp g\u00fc\u00fdz paslyny\u0148 g\u00f6zelligine a\u00fdratyn \u00f6w\u00fc\u015fgin \u00e7a\u00fd\u00fdar. Tebigaty goramak bo\u00fdun\u00e7a d\u00f6wlet sy\u00fdasatynda Milli toka\u00fd maksatnamasyna wajyp orun degi\u015flidir. Onu\u0148 amala a\u015fyrylmagyna \u00fdurdumyzy\u0148 \u00e4hli ilaty di\u00fden \u00fdaly i\u015fje\u0148 gatna\u015f\u00fdar. Bag ekmek bo\u00fdun\u00e7a \u00e4hlihalk dabaralaryny ge\u00e7irmek asylly d\u00e4be \u00f6wr\u00fcldi. 7-nji no\u00fdabrda hormatly Prezidentimiz Serdar Berdimuhamedowy\u0148 gatna\u015fmagynda g\u00fc\u00fdzki bag ekmek m\u00f6ws\u00fcmine dabaraly \u00fdagda\u00fdda badalga berildi. H\u00e4zirki wagtda k\u00f6p \u00fdyllary\u0148 dowamynda alnyp barlan bu i\u015fleri\u0148 netijeleri \u2014 Watanymyzy\u0148 d\u00fcrli k\u00fcnjeklerind\u00e4ki gi\u0148 \u00e7\u00e4kleri \u00f6z i\u00e7ine al\u00fdan, adam eli bilen d\u00f6redilen toka\u00fd zolaklary, se\u00fdilg\u00e4hler we se\u00fdilbaglar g\u00f6z\u00fc\u0148i dokundyr\u00fdar.<\/p>
<\/p>
Maldar\u00e7ylyk pudagyna, janly tebigata bagy\u015flanan sergi hem uly gyzyklanma e\u00fde boldy. H\u00e4zirki wagtda galla\u00e7ylyk we pagta\u00e7ylyk bilen bir hatarda, maldar\u00e7ylyk, gu\u015f\u00e7ulyk, bag\u00e7ylyk, \u00fcz\u00fcm\u00e7ilik, bakja\u00e7ylyk, ary balyny \u00f6nd\u00fcrmek, balyk senagaty, oba hojalygyny\u0148 be\u00fdleki ugurlary-da i\u015fje\u0148 \u00f6sd\u00fcril\u00fd\u00e4r. Bu gi\u0148 gerimli i\u015flere ykdysady\u00fdeti\u0148 hususy b\u00f6legini\u0148 wekilleri i\u015fje\u0148 gatna\u015fyp, iri ma\u00fda go\u00fdum taslamalaryny durmu\u015fa ge\u00e7ir\u00fd\u00e4rler. Maldar\u00e7ylyk, gu\u015f\u00e7ulyk pudagyny ylmy esasda \u00f6sd\u00fcrmek, weterinari\u00fda barlaglaryny\u0148 innowasion tehnologi\u00fdalaryny i\u015fl\u00e4p ta\u00fd\u00fdarlamak, \u00f6ri me\u00fddanlary rejeli pe\u00fddalanmak bo\u00fdun\u00e7a ge\u00e7iril\u00fd\u00e4n ylmy-barlag i\u015flerini\u0148 netijeliligini \u00fdokarlandyrmak, maldar\u00e7ylyk \u00f6n\u00fcmlerini\u0148 \u00f6nd\u00fcrili\u015fini\u0148, ga\u00fdtadan i\u015flenili\u015fini\u0148 usullaryny k\u00e4mille\u015fdirmek m\u00f6h\u00fcm wezipeler h\u00f6km\u00fcnde kesgitlenendir. Importy\u0148 ornuny tut\u00fdan \u00f6n\u00fcmleri \u00f6nd\u00fcrmek, eksport harytlaryny\u0148 m\u00f6\u00e7berini artdyrmak bilen bagly d\u00f6wlet maksatnamalaryny\u0148 \u00e7\u00e4klerinde ta\u00fd\u00fdar et we s\u00fc\u00fdt \u00f6n\u00fcmlerini \u00f6nd\u00fcrmek \u00fc\u00e7in doly \u00f6n\u00fcm\u00e7ilik tapgyrly iri maldar\u00e7ylyk, gu\u015f\u00e7ulyk toplumlary yzygiderli gurlup ulanmaga beril\u00fd\u00e4r. \u00ddylady\u015fhana hojalyklaryny \u00f6sd\u00fcrmek hem geljegi uly ugurlary\u0148 biridir.<\/p>
<\/p>
So\u0148ra dabaralar ba\u00fdram\u00e7ylyk sahnasyny\u0148 \u00f6\u0148\u00fcnd\u00e4ki me\u00fddan\u00e7ada dowam etdi. \u00ddygnananlar hormatly Prezidentimizi\u0148 T\u00fcrkmenistany\u0148 edermen oba z\u00e4hmetke\u015flerine, hasyl ussatlaryna we \u00e4hli halkymyza iberen Gutlagyny uly \u00fcns bilen di\u0148lediler. So\u0148ra Hasyl to\u00fdy mynasybetli oba hojalyk toplumyny\u0148 i\u015fg\u00e4rlerini\u0148 adyndan hormatly Prezidentimize 2023-nji \u00fdylda doglan Hazyna atly dor re\u0148kli aja\u00fdyp ahalteke bedewini sowgat bermek dabarasy boldy.<\/p>
<\/p>
<\/p>
Dabara gatna\u015fyjylar \u00e4hli ugurlar bilen bir hatarda, oba hojalyk pudagyny\u0148 mundan be\u00fdl\u00e4k-de \u00f6sd\u00fcrilmegi bo\u00fdun\u00e7a gi\u0148 gerimli \u00f6zgertmeleri\u0148 durmu\u015fa ge\u00e7iril\u00fd\u00e4ndigi, t\u00fcrkmen obasyny\u0148 galkynmagy, da\u00fdhanlary\u0148 \u00fda\u015fa\u00fdy\u015f-durmu\u015f derejesini\u0148 \u00fdokarlandyrylmagy ugrunda d\u00f6red\u00fd\u00e4n \u015fertleri \u00fc\u00e7in hormatly Prezidentimize t\u00fc\u00fds \u00fd\u00fcrekden ho\u015fallyklaryny be\u00fdan etdiler. \u015ee\u00fdle hem olar z\u00e4hmet \u00fcst\u00fcnlikleri bilen Gara\u015fsyz, baky Bitarap T\u00fcrkmenistany\u0148 g\u00fcll\u00e4p \u00f6smegine mundan be\u00fdl\u00e4k-de go\u015fant go\u015fjakdyklaryna ynandyrdylar.<\/p>
<\/p>
<\/p>
So\u0148ra ba\u00fdram\u00e7ylyk sahnasynda Hasyl to\u00fdy mynasybetli \u00fdurdumyzy\u0148 medeni\u00fdet we sungat ussatlaryny\u0148 a\u00fddym-sazly ba\u00fdram\u00e7ylyk \u00e7yky\u015flary \u00fda\u00fdba\u0148landyryldy. Olarda Berkarar d\u00f6wleti\u0148 t\u00e4ze e\u00fd\u00fdamyny\u0148 Galkyny\u015fy d\u00f6wr\u00fcnde Watanymyzy\u0148 \u00fdeten belent sepgitleri, z\u00e4hmets\u00f6\u00fder halkymyzy\u0148 gazan\u00fdan \u00fcst\u00fcnlikleri jo\u015fgunly wasp edildi. Ba\u00fdram\u00e7ylyk dabarasyny\u0148 ba\u00fd d\u00f6redijilik ke\u015fbinde h\u00e4zirki zaman t\u00fcrkmen sungatyny\u0148 \u00f6zbolu\u015flylygy, onu\u0148 \u017eanrlaryny\u0148 k\u00f6pugurlylygy, d\u00e4p-dessurlary\u0148 dowamatlylygy \u00f6z be\u00fdanyny tapdy. \u00dderine \u00fdetirilen jo\u015fgunly \u00e7yky\u015flar eziz Watanymyzy\u0148 g\u00fcll\u00e4p \u00f6smegi, t\u00fcrkmen halkyny\u0148 rowa\u00e7lygy ugrunda durmu\u015fa ge\u00e7iril\u00fd\u00e4n gi\u0148 gerimli i\u015flere \u00e4hlihalk ho\u015fallygyny\u0148 be\u00fdany bolup \u00fda\u0148landy.<\/p>
<\/p>
<\/p>
Dabarany\u0148 \u00e7\u00e4klerinde myhmanlar \u00fc\u00e7in t\u00fcrkmen to\u00fduna mahsus milli tagamlar we naz-nygmatlar bilen bezelen desterhanlar gi\u0148den \u00fdazyldy. Hatara guralan ak \u00f6\u00fdleri\u0148 \u00fdanynda atarylan gazanlarda ussat a\u015fpezleri\u0148 ta\u00fd\u00fdarlan milli tagamlary myhmanlara h\u00f6d\u00fcr edildi.<\/p>
<\/p>
<\/p>
Umuman, da\u00fdhanlary\u0148 ga\u00fdratly z\u00e4hmetini\u0148, bereketli t\u00fcrkmen topragyny\u0148 sahawatyny\u0148 \u015fanyna guralan dabara t\u00fcrkmen to\u00fduna mahsus \u00fdokary myhmans\u00f6\u00fderligi\u0148, Watanymyzy\u0148 abadan\u00e7ylygyny\u0148 we bol\u00e7ulygy\u0148 ny\u015fany bolup, gatna\u015fyjylary\u0148 dyn\u00e7 hem-de ba\u00fdram\u00e7ylyk g\u00fcn\u00fcne a\u00fdratyn \u00f6w\u00fc\u015fgin \u00e7a\u00fddy. Hasyl to\u00fdy mynasybetli dabaralar \u00fdurdumyzy\u0148 \u00e4hli wela\u00fdatlarynda we Arkadag \u015f\u00e4herinde hem gi\u0148den \u00fda\u00fdba\u0148landyryldy.<\/p>
<\/p>
<\/p>