3-nji sentýabrda Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Mejlisler jaýynda «Türkmendemirönümleri» döwlet kärhanasynyň, Türkmenistanyň Kärdeşler arkalaşyklarynyň Gökdepe etrabynyň kärdeşler arkalaşyklarynyň birleşiginiň, Türkmenistanyň Demokratik partiýasynyň Gökdepe etrap komitetiniň hem-de Türkmenistanyň Magtymguly adyndaky Ýaşlar guramasynyň Ahal welaýatynyň Gökdepe etrap Geňeşiniň guramagynda «Ýol hereketiniň howpsuzlygy-ömrümiziň rahatlygy» atly biraýlygyň ähmiýetine bagyşlanan wagyz-nesihat duşuşygy geçirildi. Wagyz-nesihat duşuşygyny «Türkmendemirönümleri» döwlet kärhanasynyň Işgärler bölüminiň başlygy K.Saparow alyp bardy.
Wagyz-nesihat duşuşygynyň dowamynda «Türkmendemirönümleri» döwlet kärhanasynyň direktory A.Döwletow, Türkmenistanyň Kärdeşler arkalaşyklarynyň Gökdepe etrabynyň kärdeşler arkalaşyklarynyň birleşiginiň başlygy B.Ataýew, Türkmenistanyň Demokratik partiýasynyň Gökdepe etrap komitetiniň başlygy N.Hojaýewa, Türkmenistanyň Magtymguly adyndaky Ýaşlar guramasynyň Ahal welaýatynyň Gökdepe etrap Geňeşiniň başlygy B.Babaýew, «Türkmendemirönümleri» döwlet kärhanasynyň Buhgalteriýa hasaba alyş we hasabat bölüminiň esasy hünärmeni G.Abdyrahmanowadagylar çykyş etdiler.
Çykyşlarda, Berkarar döwletiň täze eýýamynyň Galkynyşy döwründe Halkara parahatçylyk we ynanyşmak ýylynda dünýä nusgalyk asylly başlangyçlary bilen ýurdumyzy bedew bady bilen öňe alyp barýan hormatly Prezidentimiz Arkadagly Gahryman Serdarymyzyň ýolbaşçylygynda ýurdumyzyň gülläp-ösýändigini, täze belent sepgitlere ýetilýändigini, mähriban halkymyzyň abadan we bagtyýar durmuşda ýaşaýandygyny buýsanç bilen belläp, binýady berkden tutulan Garaşsyz Watanymyzda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň asylly başlangyçlarynyň ýurdumyzda mynasyp derejede dowam etdirilýändigini, şeýle ýörelgeleriň biriniň ýurdumyzda geçirilmegi däbe öwrülen «Ýol hereketiniň howpsuzlygy-ömrümiziň rahatlygy» atly köçe ýol hereketine bagyşlanan biraýlygyň geçirilmegidir diýip belläp, bu çäräniň her ýylyň 1-30-njy sentýabry aralgynda ýurdumyzda ýokary gurmaçylyk derejesinde geçirilýändigini, bu möhüm köçe ýol hereketiniň howpsuzlygyna bagyşlanan jemgyýetçilik çäresiniň dowamynda maslahatlaryň geçirilmeginiň, teleýaýlymlarda ýol hereketiniň howpsuzlygy bilen baglanyşykly gysga metražly filmleriň görkezilmeginiň, lukmanlaryň, Türkmenistanyň Içeri işler ministrliginiň Polisiýaynyň Ýol gözegçiligi gullugynyň işgärleriniň çykyşlarynyň guralmagy, metbugat sahypalarynda makalalaryň yzygiderli çap edilmeginiň, ýol hereketiniň howpsuzlygyny wagyz edýän dürli neşirleriň raýatlarymyza ýaýradylmagynyň, mekdebe çenli çagalar edaralarynda, umumy bilim berýän mekdeplerde, orta we ýokary okuw mekdeplerinde wagyz-nesihat duşuşyklarynyň guralmagynyň bir aýlygyň çäreleriniň geriminiň örän giňdigini görkezýär diýip çykyşlarda nygtaldy.
Hormatly Prezidentimiz ýol-ulag hadysalarynyň öňüni almak, sürüjileriň hem-de pyýadalaryň ýol hereketiniň düzgünlerini berjaý etmegine berk gözegçiligi amala aşyrmak, ulagy dolandyrmagyň, ýollarda özüňi alyp barmagyň medeniýetini ýokarlandyrmak, ýol hereketini kadalaşdyrýan ulgamy has-da kämilleşdirmek, ýoluň ýagdaýyny degişli derejede saklamak ýaly ugurlara yzygiderli üns berýär. Paýtagtymyz Aşgabatda we Arkadag şäherlerinde, welaýat merkezlerinde ulag hereketiniň artýandygyny nazara almak bilen, degişli işler guramak meselelerine döwrebap serişdeleriň, sanly tehnologiýalaryň we usullaryň esasynda çemeleşilýär. Munuň özi ýol hereketiniň howpsuzlygyny üpjün etmek, ýollarda howpsuz şertleri döretmegi hil taýdan täze derejä çykarmak boýunça hormatly Prezidentimiz Arkdagly Gahryman Serdarymyzyň tagallasy bilen amala aşyrylýan işleriň rowaçlanýandygyna şaýatlyk edýär. Häziriki wagtda hormatly Prezidentimiziň ýolbaşçylygynda, ýollarda bökdençsiz hereketi ýola goýmakda, raýatlaryň rahat gelim-gidimi üçin paýtagtymyz Aşgabat we Arkadag şäherlerinde hem-de beýleki şäherdir etraplarda döwrebap ýol-ulag infrastrukturasyny döretmekde sazlaşykly işler amala aşyrylar. Ýollar abadanlaşdyrylyp, gijelerine daş-töweregi gündiziň güni ýaly ýagtylandyrýan çyralar, günüň islendik çagynda sürüji hem-de pyýada üçin anyk görünýän ýol belgileri hem goýulýar. Ýollaryň çatryklarynda sowma ýollar, köprüler, ýerasty hem-de ýerüsti geçelgeler gurulýär, ýanýodalar we ýaşyl zolaklar döredilýär.
Bütindünýä Saglygy Goraýyş Guramasynyň yglan eden «Ýol hereketiniň howpsuzlygyny üpjün etmek boýunça 10 ýyllyk Maksatnamasyny» durmuşa geçirmek üçin hemişelik Bitarap ýurdumyzda türkmen halkynyň Milli Lideri Gahryman Arkadagymyzyň taýsyz tagallalary bilen 2012-nji ýylyň 31-nji martynda «Ýol hereketiniň howpsuzlygy hakynda» Türkmenistanyň Kanuny kabul edilmeginiň ähmiýeti barada çykyşlarda bellenilip geçildi we bu Kanunyň ýol hereketiniň howpsuzlygyny üpjün etmek boýunça möhüm hukuk namasyna öwrülendigini aýytdylar.
Wagyz-nesihat duşuşygynyň ahyrynda oňa gatnaşyjylar Garaşsyz hemişelik Bitarap Türkmenistan döwletimiziň gülläp ösmegi ugrunda beýik tagallaryny edýän türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň mundan beýläkde uly üstünliklere beslenmegini arzuw etdiler.
ORAZBERDI ANNADURDYÝEW
Türkmenistanyň Senagat we gurluşyk önümçiligi ministrliginiň
«Türkmendemirönümleri» döwlet kärhanasynyň
Önümçilik-tehniki we tehnologiki bölüminiň başlygy-baş tehnology