4-nji martda Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynda Türkmenistanyň Senagat we gurluşyk önümçiligi ministrliginiň gurnamagynda 8-nji mart Halkara zenanlar güni mynasybetli aýdym-sazly baýramçylyk dabarasy geçirildi. Baýramçylyk dabarasyny «Türkmendemirönümleri» döwlet kärhanasynyň Tehniki-konstruktor býurosynyň inžener mehanigi N.Seýitmyradow alyp bardy.
Baýramçylyk dabarasynda Türkmenistanyň Senagat we gurluşyk önümçiligi ministrliginiň Iş dolandyryş bölüminiň baş hünärmeni G.Babaýew, Türkmenistanyň Senagat we gurluşyk önümçiligi ministrliginiň «Türkmen aýna önümleri» kärhanasynyň Merkezi barlaghana we hil gözegçilik bölüminiň laborant barlagçysy O.Begenjowa, Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Önümçilik-tehniki we tehnologiki bölüminiň başlygy – baş tehnolog O.Annadurdyýew, Türkmenistanyň Kärdeşler arkalaşyklarynyň Türkmenistanyň Gurluşyk we senagat işgärleriniň kärdeşler arkalaşygynyň Geňeşiniň esasy hünärmeni Ý.Mawsumowadagylar çykyş etdiler.
Çykyşlarda Berkarar döwletiň täze eýýamynyň Galkynyşy döwründe Halkara parahatçylyk we ynanyşmak ýylynda hormatly Prezidentimiz Arkadagly Gahryman Serdarymyzyň parasatly ýolbaşçylygynda Garaşsyz baky Bitarap Türkmenistan döwletimiziň her bir gününiň taryha altyn harplar bilen ýazyljak şanly senelere, taryhy hem-de şatlykly wakalara beslenýändigini, şeýle wakalaryň biriniň hem Bahar paslynyň ilkinji günlerinde tebigata jan girip ynsan göwnüni galkyndyrýan günlerinde bellenilýän 8-nji mart Halkara zenanlar günidigini buýsanç bilen bellediler.
Türkmen halky öz gelin-gyzlarynyň sarpasyny elmydama belentde saklap, ony ar-namysyna deňäp elmyda zenanlary sarpalan merdana halkdyr. Bu ýörelge täze taryhy eýýamymyzda Arkadagly Gahryman Serdarymyzyň parasatly ýolbaşçylygynda üstünlikli dowam etdirilýär. Türkmenlerde ýaş nesli terbiýelemekde, ýaşlara halallyk, zähmet söýerlik, il-halka wepalylyk ýaly belent adamkärçilik terbiýesini bermekde, watansöýjüligi has-da artdyrmakda türkmen zenanlarynyň paýy uludyr. Häzirki wagtda ýurdumyzda türkmen halkynyň Milli Lideri Gahryman Arkadagymyzyň başyny başlan, hormatly Prezidentimiz Arkadagly Gahryman Serdarymyz tarapyndan üstünlikli durmuşa geçirilýän döwlet maksatnamalaryny ýerine ýetirmekde, ýurdumyzyň ykdysady kuwwatyny pugtalandyrmakda, halkara abraý mertebesini ýokarlandyrmakda zenanlarymyzyň paýy uludyr. Döredilýän ajaýyp mümkinçiliklerden ýerlikli peýdalanmak arkaly türkmen zenanlary bu gün diňe bir ýurdumyzyň däl eýsem, dünýäniň beýleki abraýly ýokary okuw mekdeplerinde okap bilim alyp, ykdysadyýetimiziň, halk hojalygynyň, oba hojalygynyň, saglygy goraýyş we ylym-bilim, senagat we gurluşyk önümçiligi ulgamynyň edaralarynda netijeli zähmet çekýärler.
Türkmen zenanlary sport ulgamynda hem netijelilik görkezip, dünýä derejeli, ýerli, halkara we olimpiýa oýunlarynda çykyş edip uly üstünlik gazanmak bilen watanymyzyň halkara sport abraýyny pugtalandyrýarlar. Gelin-gyzlarymyzyň on barmagynyň gudratyndan kemal tapyp sungat derejesine ýetirilen ajaýyp halylarymyz, keşdelerimiz bolsa milli buýsanjymyza öwrüldi. Arkadagly Gahryman Serdarymyzyň parasatly ýolbaşçylygynda Berkarar döwletiň täze eýýamynyň Galkynyşy döwründe zenanlaryň hukuklary we azatlyklary has kämil hukuknamalary bilen berkidildi we bu ulgamy has-da döwrebap kämilleşdirmek maksady bilen dünýäniň iň abraýly guramalary şeýle hem Birleşen Milletler Guramasynyň degişli bölümleri bilen ysnyşykly işler alnyp barylýar. Ýaş maşgalalary goldamak, enäniň we çaganyň saglygyny goramak boýunça döwletimizde asyrlara barabar işler amala aşyryldy. Türkmen halkynyň Milli Lideri Gahryman Arkadagymyz köp çagaly maşgalalary goldamak, olara durmuş ýeňilliklerini bermek boýunça beýik başlangyjy öňe sürmek bilen, sekiz we ondan hem köp çagany kemala getiren hem-de olary mynasyp terbiýeläp ýetişdiren zenanlara «Ene Mähri» diýen hormatly at dakylýar, şeýle hem olara ýaşaýyş jaýlaryny sowgat bermek, durmuş ýeňilliklerini döretmek ýaly asylly başlangyçlary öňe sürdi, bu ýörelge häzirki wagtda Garaşsyz baky Bitarap Türkmenistan döwletimizde asylly däp bolup galdy. Her ýyl Hlakara zenenlar güni mynasybetli Hormatly Prezidentimiziň degişli Kararyna laýyklykda Türkmenistanly zenanlara pul sowgatlarynyň berilmegi bolsa zenanlarymyza ajaýyp baýramçylyk sowgadydyr.
Dabaranyň dowamynda Aşgabat şäheriniň «Demirbetonönümleri» kärhanasynyň Hasabat bölüminiň baş buhgalteri O.Abakumowa, «Türkmendemirönümleri» döwlet kärhanasynyň Administratiw-hojalyk gullugynyň tam süpürijisi O.Suhanowa, «Türkmen aýna önümleri» kärhanasynyň Işgärler bölüminiň başlygy A.Hanmämmedowadagylar Türkmenistanyň Senagat we gurluşyk önümçiligi ministrliginiň ulgamynda göreldeli zähmet çekip, Türkmenistanyň Prezidentiniň parasatly baştutanlygynda Watanymyzyň ösüşlerine we ýurdumyzda özgertmeleriň amala aşyrylmagyna, Türkmenistan döwletimiziň senagat taýdan ösen döwlete öwrülmegine mynasyp goşant goşandyklary nazara alynyp, olaryň çekýän zähmetini dabaralandyrmak, şeýle hem Halkara parahatçylyk we ynanyşmak ýylynda Garaşsyz, hemişelik Bitarap döwletimizde uly ruhubelentlik bilen bellenilýän Halkara zenanlar güni mynasybetli Hormatly Prezidentimiziň adyndan gymmat bahaly sowgatlar we Hormat hatlary bilen sylaglanyldy. Baýramçylyk dabarasyna gatnaşan zenanlara hormatly Prezidentimiziň adyndan pul sowgatlary hem dabaraly ýagdaýda gowşuruldy.
Dabarada Türkmenistanyň Gurluşyk we binagärlik ministrliginiň Aşgabat gurluşyk orta hünär okuw mekdebiniň «Ak mermer» folklor etnografik aýdym-saz, tans toparynyň ene mukaddesligini, Garaşsyz, hemişelik Watnymyzy, hormatly Prezidentimiziň dünýä nusgalyk beýik işlerini wasp edýän aýdym-sazly çykyşlaryna we tanslaryna giň orun berildi.
Geçirilen aýdym-sazly baýramçylyk dabarasy Türkmenistanyň Telewideniýe, radiogepleşikler we kinematografiýa baradaky döwlet komitetiniň «Altyn Asyr: Türkmenistan» teleradioýaýlymy we «Türkmensitan» teleýaýlymy tarapyndan ýazgy edildi.
HOJANEPES ORAZOW
Türkmenistanyň Senagat we gurluşyk önümçiligi ministrliginiň
«Türkmendemirönümleri» döwlet kärhanasynyň
Sanly ulgam we maglumat howpsuzlygy boýunça baş hünärmeni