17-22-nji fewral aralygynda Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Tehniki-konstruktor býurosynyň inžener mehanigi (enjamlar we tehnikalar boýunça), kärdeşler arkalaşygynyň ilkinji guramasynyň işjeň agzasy N.Seýitmyradow Türkmenistanyň Kärdeşler arkalaşyklarynyň milli merkeziniň Türkmenistanyň Gurluşyk we senagat işgärleriniň kärdeşler arkalaşygynyň Geňeşi tarapyndan Awazadaky «Daýanç» sagaldyş dynç-alyş merkezinde geçirilen «Bitarap döwletde ýurdum parahat, miwesini berýär goralýan zähmet atly» usuly okuw-maslahatyna we Geňeşiň göçme mejlisine gatnaşdy. Hazaryň ekologiýa taýdan arassa türkmen kenarynda türkmen halkynyň Milli Lideri Gahryman Arkadagymyzyň başlangyjy bilen döredilen, häzirki wagtda hormatly Prezidentimiziň taýsyz tagallalary bilen   has-da ösdürilýän «Awaza» milli syýahatçylyk zolagynda geçirilen usuly  okuw-maslahatynyň we Geňeşiň göçme mejlisiniň çäklerinde dürli ugurly maslahatlar, kärdeşler arkalaşyklarynyň işini mundan beýläkde kämilleşdirmek boýunça duşuşuklar, «Awaza» milli syýahatçylyk zolagyna gyzykly gezelençler, dürli sport çäreleri geçirildi. Usuly okuw-maslahatynyň we Geňeşiň göçme mejlisiniň geçirilýän günlerinde bu okuw-maslahatyna gatnaşyjylaryň gatnaşmagynda Türkmenistanyň Telewideniýe, radiogepleşikler we kinematografiýa baradaky döwlet komitetiniň «Altyn Asyr: Türkmenistan» teleradioýaýlymynyň ýazga geçirmeginde ýörite gepleşikler ýazgy edildi.          Berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda şeýle çäreleriň yzygiderli geçirilmegi, Türkmenistanyň Kärdeşler arkalaşyklarynyň işini talaba laýyk guramakda möhüm ähmiýete eýedir. HOJANEPES ORAZOWTürkmenistanyň Senagat we gurluşyk önümçiligi ministrliginiň«Türkmendemirönümleri» döwlet kärhanasynyňSanly ulgam we maglumat howpsuzlygy boýunça baş hünärmeni

         31-nji ýanwar Türkmenistanyň Jemgyýetçilik guramalarynyň merkezi binasynda Türkmenistanyň Kärdeşler arkalaşyklarynyň milli merkeziniň Gurluşyk we senagat işgärleriniň kärdeşler arkalaşygynyň Geňeşiniň gurnamagynda «Galkynyş» milli at üstündäki oýunlar toparynyň Monte-Karlo şäherinde geçirilen halkara sirk sungaty festiwalynda baş baýraga hem-de ýörite baýraklara mynasyp bolmagy mynasybetli gepleşik ýazgy edildi. Gepleşik Türkmenistanyň Telewideniýe, radiogepleşikler we kinematografiýa baradaky döwlet komitetiniň «Altyn Asyr: Türkmenistan» teleradioýaýlymy tarapyndan ýazgy edildi. Gepleşige Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Tehniki-konstruktor býurosynyň inžener mehanigi (enjamlar we tehnikalar boýunça) N.Seýitmyradow gatnaşdy.          Gepleşigiň dowamynda binýady berkden tutulan Garaşsyz Watanymyzda türkmen halkynyň Milli Lideri Gahryman Arkadagymyzyň 2007-nji ýylda döreden «Galkynyş» milli at üstündäki oýunlar toparynyň Monte-Karlo şäherinde geçirilen 47-nji halkara sirk sungaty festiwalynda baş baýraga hem-de ýörite baýraklara mynasyp bolmagy, hormatly Prezidentimiziň parasatly ýolbaşçylygynda milli sirk sungatymyzy ösdürmek, bu ugurda halkara hyzmatdaşlygyny has-da pugtalandyrmak, şeýle hem behişdi bedewlerimiz hakynda täsirli gürrüňler edildi. HOJANEPES ORAZOW Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyňSanly ulgam we maglumat howpsuzlygy boýunça baş hünärmeni

         13-nji ýanwarda Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Mejlisler jaýynda «Türkmendemirönümleri» döwlet kärhanasynyň, Türkmenistanyň Magtymguly adyndaky Ýaşlar guramasynyň Ahal welaýatynyň Gökdepe etrap Geňeşiniň guramagynda hormatly Prezidentimiziň «Magtymguly – dünýäniň akyldary» atly täze kitabynyň tanyşdyryş dabarasy geçirildi. Tanyşdyryş dabarasyny «Türkmendemirönümleri» döwlet kärhanasynyň Önümçilik-tehniki we tehnologiki bölüminiň başlygy O.Annadurdyýew alyp bardy.          Tanyşdyryş dabarasynyň dowamynda «Türkmendemirönümleri» döwlet kärhanasynyň Direktory A.Döwletow, Türkmenistanyň Magtymguly adyndaky Ýaşlar guramasynyň Ahal welaýatynyň Gökdepe etrap Geňeşiniň başlygy B.Babaýew, «Türkmendemirönümleri» döwlet kärhanasynyň Zähmeti goramak we tehniki howpsuzlyk bölüminiň başlygy S.Berdiýewdagylar çykyş etdiler.          Çykyşlarda, Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkdagymyzyň başda durmagynda, hormatly Prezidentimiz Arkadagly Gahryman Serdarymyzyň parasatly ýolbaşçylygynda ýyllarymyz özüniň taryhy wakalara baýlygy bilen tapawutlanýandygyny, türkmen halkynyň beýik söz ussady Magtymguly Pyragynyň doglan gününiň 300 ýyllygyny milli we halkara derejesinde dabaralandyrmak maksady bilen yglan edilen 2024-nji «Pähim-paýhas ummany Magtymguly Pyragy» ýyly hem şanly wakalara baý ýyllaryň biriniň bolandygyny, şeýle taryhy wakalaryň biri hem hormatly Prezidentimiz Arkadagly Gahryman Serdarymyzyň Halkara parahatçylyk we ynanyşmak ýylynyň öň ýanynda tamamlanyp barýan 2024-nji ýyl «Pähim-paýhas ummany Magtymguly Pyragy» ýylynyň jemlerine bagyşlanan «Magtymguly – dünýäniň akyldary» atly täze kitabynyň elimize gowuşmagynyň, tamamlanan ýyly many taýdan has-da baýlaşdyrmak bilen bir hatarda, beýik söz ussadyna, onuň döredijiligine goýulan hormaty we sylagy beýgeltmek bilen, şahyryň döredijiligini öwrenmekde bahasyna ýetip bolmajak uly gymmatly hazynadygyny uly buýsanç bilen bellediler.              Kitap Magtymguly Pyragynyň «Türkmeniň» atly goşgysy we türkmen halkynyň Milli Lideri Gahryman Arkadagymyzyň «Pähim-paýhas ummany Magtymguly Pyragy» atly ajaýyp çuňňur mana eýe bolan goşgulary bilen başlanýar. Munuň bolsa, nesilleriň we eýýamlaryň, öz döwüriniň ussatlarynyň arabaglanşygynyň dowamata dowam bolmagy hökmünde garamak bolýar. Hormatly Prezidentimiziň «Magtymguly – dünýäniň akyldary» atly täze kitaby «Magtymgula düşünmegiň açary», «Magtymguly Pyragy mekdebi we türkmen magtymgulyşynaslary», «Pähim-paýhas ummany», «Parahatçylygyň şahyry», «Döwürleriň we siwilizasiýalaryň şahyry», «Halk ýadyndan aýrylma», «Magtymguly Pyragynyň 300 ýyllygy bilen bagly kabul edilen resminamalar, gutlaglar we çykyşlar» we «Hakyň hem hakykatyň ýolunda» atly sekiz sany bölümlerden ybarat bolup, kitap türkmen, rus we iňlis dillerinde aýratyn kitap edilip neşir edildi.          Magtymguly Pyragynyň çuňňur many-mazmuna ýugrulan eserleri ýaş-nesli terbiýelemekde bahasyna ýetip bolmajak gymmatly hazynadyr. Hormatly Prezidentimiz Arkadagly Gahryman Serdarymyz özüniň täze «Magtymguly – dünýäniň akyldary» atly kitabynyň «Magtymgula düşünmegiň açary» atly bölüminde şeýle diýýar: «Ýaşlar – Watanyň daýanjy» atly kitabynda: «Gündogaryň beýik akyldary, türkmeniň beýik şahyry we filosofy Magtymguly Pyragynyň eserleri ähli döwürler üçin bahasyna ýetip bolmajak ruhy gymmatlykdyr. Magtymgulynyň ýüzlenmedik temasy ýok diýen ýaly. Onuň watançylyk, ynsanperwerlik, il-halka wepalylyk, halallyk, belent adamkärçilik düşünjelerine ýugrulan eserleri ideýa-mazmun taýdan güýçli bolmak bilen, ýokary terbiýeleýjilik ähmiýetine eýedir» diýip, Magtymgulynyň döredijiliginiň köpöwüşgünliligine ünsi çekipdim» diýip belleýär. Hakykatdan hem ylymyň we tehnologiýanyň, sanly tehnologiýalaryň güýçli depginlerde ösýän döwründe, özüniň gadyr-gymmatyny, manysyny ýitirmeýän, çuňňur terbiýeleýjilik ähmiýete eýe bolan Magtymguly Pyragynyň eserleri, häzirki täze taryhy eýýamymyzda hem ýaşlary hemmetaraplaýyn esasda terbiýelemekde, olary ylyma-bilime höweslendirmekde uly ähmiýete eýedir. Çünki Magtymguly,         ylyma-bilime aýratyn sarpa goýan akyldardyr.              Mundan başgada täze kitapda, hormatly Prezidentimiz Magtymguly Pyragy bilen döwürdeş beýik türkmen şahsyýetleri, XIX asyr türkmen edebiýatynyň görnükli wekilleri, XX asyryň, Garaşsyzlyk döwrüniň türkmen edebiýatynyň wekilleriniň, türki we beýleki halklaryň wekilleriniň Magtymguly Pyragynyň eserlerinden täsirlenip, öz eserleri bilen Magtymguly Pyragynyň mekdebini, onuň at-abraýyny belentde tutup ösdürendikleri barada, Ýewropada Magtymguly Pyragynyň goşgy düzüş formasynyň, şygyrda beýan ediş usulynyň Ýewropaly şahyrlary ylhamlandyrmak bilen ýewropa halklarynyň edebiýatyna uly täsirini ýetirendigi barada, şeýle hem Magtymgulynyň edebi mekdebini dowam etdirijiler, dana Pyragynyň ylmy-edebi mirasyny öwrenijiler barada hem buýsançly gürrüňler edilýär. Täze kitabyň «Pähim-paýhas ummany» atly bölüminde hormatly Prezidentimiz alym Arkadagymyzyň Magtymguly Pyragynyň döredijiligini öwrenmekde, onuň pähim-paýhasyny dünýä ýaýmakda, golýazmalarynyň nusgalaryny daşary döwletlerden toplap, dünýä dillerine terjime etmekde döreden giň mümkinçilikleri barada hem giňişleýin durulup geçilýär.              Ussat şahyryň döredijiligine we «Pähim-paýhas ummany Magtymguly Pyragy» ýylynyň jemlerine bagyşlanan hormatly Prezidentimiziň «Magtymguly – dünýäniň akyldary» atly täze kitaby türkmen halkynyň söwer ogly Magtymguly Pyragyny öwrenmekde we giňden wagyz etmekde gymmatly bahasyna ýetip bolmajak hazynadyr. Hormatly Prezidentimiz özüniň täze «Magtymguly – dünýäniň akyldary» atly kitabynda diňe bir Magtymguly Pyragynyň ömür we döredijilik ýoly barada ýazman eýsem-de, bu kitabyň «Magtymguly Pyragynyň doglan gününiň 300 ýyllygy bilen bagly kabul edilen resminamalar, gutlaglar we çykyşlar» bölüminde şanly ýylymyzy ýokary derejede geçirmek maksady bilen kabul edilen Türkmenistanyň Prezidentiniň Kararlary we Permanlary, Türkmenistanyň Kanunlary, Türkmenistanyň Mejlisiniň Kararlary, Türkmenistanyň Prezidentiniň dürli halkara forumlaryndaky çykyşlary, gutlaglary ýerleşdirilendir.                Tanyşdyryş dabarasynyň ahyrynda oňa gatnaşyjylar Beýik şahsyýetlerimiziň ömür-döredijiligini ylmy esasda öwrenmekde, olary aýawly gorap saklamakda we geljek nesillerimize ýetirmekde, wagyz-nesihat etmekde dünýä nusgalyk işleri amal edýän türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler. HOJANEPES ORAZOWTürkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Sanly ulgam we maglumat howpsuzlygy boýunça baş hünärmeni

11-nji dekabrda Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Mejlisler jaýynda «Türkmendemirönümleri» döwlet kärhanasynyň, Türkmenistanyň Magtymguly adyndaky Ýaşlar guramasynyň Ahal welaýatynyň Gökdepe etrap Geňeşiniň guramagynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň «Hakyda göwheri» atly täze kitabynyň tanyşdyryş dabarasy geçirildi. Tanyşdyryş dabarasyny «Türkmendemirönümleri» döwlet kärhanasynyň Önümçilik-tehniki we tehnologiki bölüminiň başlygy O.Annadurdyýew alyp bardy. Tanyşdyryş dabarasynyň dowamynda «Türkmendemirönümleri» döwlet kärhanasynyň Direktory A.Döwletow, Türkmenistanyň Magtymguly adyndaky Ýaşlar guramasynyň Ahal welaýatynyň Gökdepe etrap Geňeşiniň başlygy B.Babaýew, «Türkmendemirönümleri» döwlet kärhanasynyň Administratiw-hojalyk gullugynyň iş ýöredijisi Şemşat Öwezmuradowadagylar çykyş etdiler. Çykyşlarda uly üstünliklere beslenip dowam edýän taryhy eýýamymyzyň «Pähim-paýhas ummany Magtymguly Pyragy» ýylynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň «Hakyda göwheri» atly täze kitabynyň çapdan çykmagynyň, şanly ýylymyzyň iň bir taryhy ähmiýetli wakalarynyň biri bolandygyny bellediler. Gahryman Arkadagymyzyň «Hakyda göwheri» atly kitabynyň gadymy oguz edebiýatyny açyp görkezmekde gymmatly çeşmedigini, şeýle bolan soň bu täze kitap kökleri müňýyllyklara uzap gidýän türkmen taryhyny, medeniýetini öwrenijiler üçin hem uly ylmy goldanma boljakdygyny çykyş edenler öz çykyşlarynda bellediler. Şeýle hem çykyşlaryň dowamynda täze kitaby Gahryman Arkdagymyzyň ygtybarly ylmy çeşmelere daýanmak arkaly ýazmak bilen, bu kitapda Gahryman Arkadagymyzyň owal ýazan we halk köpçüligine ýetirilen dürli kitaplarynyň, arheologlaryň täze taryhy tapyndylarynyň esasynda toplanan maglumatlaryň, daşary ýurtlardan getirilen golýazmalar esasynda täze taryhy garaýyşlaryň has giňişleýin beýan edilendigini, türkmen halkynyň baý taryhynyň aýdyň subutnamasy bolan taryhy-medeni ýadygärliklerimiz barada hem öz pikirlerini paýlaşýandygyny uly buýsanç bilen belläp geçdiler. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň «Hakyda göwheri» atly täze kitabynyň türkmen we iňlis dillerinde neşir edilmegi bu kitabyň many we hil taýdan ýokarydygyny görkezýär. Täze kitap Girişden we Taryha syýahat hem-de Ruhy miras atly 2 bapdan ybaratdyr. Gahryman Arkadagymyzyň «Hakyda göwheri» atly kitabynda diňe bir taryhymyz däl eýsem-de agzybirligimiz, döwletliligimiz, türkmençiligimiz, ata-ene, zenan mertebesi, adalatlylyk hakynda filosofiki garaýyşlar öňe sürülýär. Türkmen halkynyň Milli Lideri Gahryman Arkadagymyzyň «Hakyda göwheri» atly kitabynda Änew medeniýeti, Togalakdepe, Ajyguýy, Kellelidepe, Taýypdepe, Goňurdepe ýadygärlikleri barada, şeýle hem gadymy Marguş döwleti, Nusaý, Parfiýa şalyklary barada taryhy maglumatlar giňden beýan edilýär. Şeýle hem bu ýadygärlikleri öwrenmekde dürli ýyllarda gazuw-agtaryş işlerini geçiren daşary ýurtly alymlar we olaryň bitiren işleri barada hem maglumatlar berilýär. Kitapda Gahryman Arkadagymyzyň gadymy «Oguznama» eseri barada hem öz pikir garaýyşlary beýan edilýär. Şeýle hem bu kitapda tebigat, tebigatyň ynsan aňyna täsiri, älem we onuň ýaradylyşy, her bir işde ussatlylyk, watansöýüjilik, türkmençilik ýaly belent duýgular hakynda pikir garaýyşlar açyp görkezilýär. Kitapda rowaýatlara, tymsallara giň orun berilýär. Kitapda Türkmenistanyň Döwlet çeperçilik akademiýasynyň gaznasyndan suratlaryň ulanylmagy kitabyň çeperçilik taýdan kämil bolmagyny şertlendirýär. Tanyşdyryş dabarasynyň ahyrynda oňa gatnaşyjylar geçmiş-taryhymyzy öwrenmeklige giň ýol açyp, türkmen halkyna bahasyna ýetip bolmajak gymmatly eserleri peşgeş berýän türkmen halkynyň Milli Lideri Gahryman Arkdagymyzyň şeýle uly ähmiýetli kitaplarynyň höwriniň köp bolmagyny, jemgyýetimizde jebisligi, halkymyzyň röwşen gelejegi, saglygy we abadançylygy ugrunda yzygiderli tagalla edýän türkmen halkynyň Milli Lideri Gahryman Arkdagymyza hem-de peder ýoluny, beýik başlangyçlar bilen mynasyp dowam etdirýän hormatly Prezidentimiz Arkadagly Gahryman Serdarymyza jan saglyk, uzak ömür, döwletli tutumlarynyň hemişe rowaç almagyny tüýs ýürekden arzuw etdiler. HOJANEPES ORAZOWTürkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Sanly ulgam we maglumat howpsuzlygy boýunça baş hünärmeni

26-njy noýabrda Türkmenistanyň Senagat we gurluşyk önümçiligi «Türkmendemirönümleri» döwlet kärhanasynyň Önümçilik-tehniki we tehnologiki bölüminiň inžener-tehnology (metallurgiýa boýunça) O.Annadurdyýew 2024-nji ýylyň 4-nji noýabryndan 26-njy noýabry aralygynda Türkmenistanyň Prezidentiniň ýanyndaky Döwlet gullugy akademiýasynda hünär derejesini ýokarlandyryş okuwyny geçip, hünärmene Türkmenistanyň Prezidentiniň ýanyndaky Döwlet gullugy akademiýasynyň hünär derejesini ýokarlandyrandygy hakynda degişli şahadatnamasy berildi. Türkmen halkynyň Milli Lideri Gahryman Arkadagymyzyň taýsyz tagallalary bilen 2008-nji ýylda döredilen Türkmenistanyň Prezidentiniň ýanyndaky Döwlet gullugy akademiýasy Berkarar döwletiň täze eýýamynyň Galkynyşy döwründe hormatly Prezidentimiziň başda durmagy bilen ýurdumyzyň dürli ulgamlarynda zähmet çekýän ýokary bilimli döwlet gullukçylaryny, hünärmenleri gaýtadan taýýarlamakda we olaryň hünär derejesini ýokarlandyrmakda möhüm ähmiýete eýedir. HOJANEPES ORAZOW Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Sanly ulgam we maglumat howpsuzlygy boýunça baş hünärmeni

15-nji noýabrda Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Sanly ulgam we maglumat howpsuzlygy boýunça baş hünärmeni H.Orazow «Pähim-paýhas ummany Magtymguly Pyragy» ýylynda Berkarar döwletiň täze eýýamynyň Galkynyşy döwrüniň gazanan ösüşlerini, beýik özgertmelerini, hormatly Prezidentimiziň parasatly ýolbaşçylygynda ýaşlar barada alnyp barylýan döwlet syýasatyny wagyz etmekde goşan şahsy goşandy nazara alnyp, şeýle hem Türkmenistanyň Magtymguly adyndaky Ýaşlar guramasynyň döredilen güni mynasybetli Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan Hormat haty we ýadygärlik sowgat bilen sylaglandy. Şeýle çäreleriň yzygiderli geçirilmegi, täze taryhy eýýamda hormatly Prezidentimiz Arkadagly Gahryman Serdarymyzyň ýolbaşçylygynda türkmen ýaşlarynyň hemmetaraplaýyn kämil şahsyýetler hökmünde kemala gelmekleri, şeýle hem ýaşlaryň saýlap alan hünärlerine bolan söýgüsini has-da artdyrmakda ähmiýetlidir. ORAZBERDI ANNADURDYÝEW Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň Önümçilik-tehniki we tehnologiki bölüminiň inžener-tehnology (metallurgiýa boýunça)

5-nji noýabrda Türkmenistanyň Senagat we gurluşyk önümçiligi ministrliginiň binasynda Türkmenistanyň gurluşyk we senagat toplumynyň işgärleriniň güni mynasybetli dabaraly çäre geçirildi. Dabaranyň dowamynda Türkmenistanyň Senagat we gurluşyk önümçiligi ministrliginiň garamagyndaky edara-kärhanalaryň zähmetde tapawutlanan işgärlerine, şol sanda «Türkmendemirönümleri» döwlet kärhanasynyň Enjamlary ulanmak we bejeriş sehiniň enjamlara hyzmat we remont ediji slesary Babaýew Arslan Baýramgeldiýewiçe, «Türkmendemirönümleri» döwlet kärhanasynyň Hil sozma sehiniň gyzgyn bilen sozmak boýunça stanlaryň walsowkaçysy Hanow Muhammetberdi Azatgeldiýewiçe hem-de «Türkmendemirönümleri» döwlet kärhanasynyň Elektro polat erediji sehiniň elektro peçlerde polat eredijisi Baýlyýew Röwşen Nurgeldiýewiçdagylar Hormat hatlary hem-de hormatly Prezidentimiziň adyndan gymmat bahaly sowgatlar dabaraly ýagdaýda gowşuruldy. Şeýle çäreleriň yzygderli geçirilmegi Türkmenistanyň Prezidentiniň parasatly ýolbaşçylygynda ýurdumyzy ösen döwlete öwürmekde hem-de ykdysady kuwwatyny artdyrmakda, ildeşlerimiziň çekýän halal we tutanýerli zähmetlerini dabaralandyrmakda, olary täze zähmet üstünliklerine ruhlandyrmakda möhüm ähmiýete eýedir. HOJANEPES ORAZOWTürkmenistanyň Senagat we gurluşyk önümçiligi ministrliginiň«Türkmendemirönümleri» döwlet kärhanasynyňSanly ulgam we maglumat howpsuzlygy boýunça baş hünärmeni

3-nji noýabrda Türkmenistanyň Söwda-senagat edarasynyň binasynda Türkmenistanyň gurluşyk we senagat toplumynyň işgärleriniň güni mynasybetli guralan Garaşsyz ýurdumyzyň gurluşyk, senagat önümçiligi, energetika we himiýa senagaty, ýol gurluşygy ulgamynda gazananlary giňden açyp görkezýän «Türkmenistanyň gurluşygy, senagaty we energetikasy-2024» atly halkara sergisine, «Türkmenistanyň gurluşyk, senagat, energetika pudaklarynyň ösüşi» atly maslahatyna Türkmenistanyň Senagat we gurluşyk önümçiligi ministrliginiň «Türkmendemirönümleri» döwlet kärhanasynyň hünärmenleri gatnaşyp, bu sergide ýurdumyzyň köpçülikleýin habar beriş serişdelerinde çykyş etdiler. Çykyşlarda, hormatly Prezidentimiz Arkadagly Gahryman Serdarymyzyň hemaýat-goldawlary netijesinde ýurdumyzyň gurluşyk we senagat önümçiligi pudagynda we «Türkmendemirönümleri» döwlet kärhanasynda alnyp barylýan işler, ýetilen belent sepgitler barada buýsançly gürrüňler halk köpçüligine ýetirildi. Bu halkara sergisine Türkmenistandan başgada Russiýa Federasiýasy, Türkiýe Respublikasy, BAE, Hytaý Halk Respublikasy, Özbegistan, Hindistan, Latwiýa, Germaniýa Federatiw Respublikasy we Beýik Britaniýa ýaly ýurtlardan 100-den gowrak kompaniýalaryň gatnaşýandyklaryny bellemek gerek. HOJANEPES ORAZOWTürkmenistanyň Senagat we gurluşyk önümçiligi ministrliginiň«Türkmendemirönümleri» döwlet kärhanasynyňSanly ulgam we maglumat howpsuzlygy boýunça baş hünärmeni